Home > Pakistan News > Participants of Azadi March face difficulties in rain

Participants of Azadi March face difficulties in rain

Advertisement

Participants of Azadi March face difficulties in rain

اسلام آباد میں بارش، مولانا کے دھرنے میں شریک افراد مشکلات کا شکار


اسلام آباد : اسلام آباد میں بارش نے مولانا کے دھرنے میں شریک افراد کی مشکلات بڑھا دیں ، بارش سے بچنے کیلئے کارکنان کنٹینرز
کے اندر محصور ہوگئے جبکہ سردی سےبچنےکے لئے چادریں اورجیکٹیں پہن لیں۔

تفصیلات کے مطابق اسلام آباد میں بارش کے بعد درجہ حرارت میں کمی کے ساتھ ہی ٹھنڈ میں اضافہ ہوگیا ہے، جس کے باعث مولانا فضل الرحمان کے دھرنے میں شریک افراد مشکلات کا شکار ہے، بارش سے بچنے کیلئے کارکنان کنٹینرز کے اندر محصور ہوگئے
جبکہ جمعیت علماء اسلام ف کے رہنماؤں میں سے کوئی کنٹینرمیں موجود نہیں۔

ٹھنڈ بڑھنے سے دھرنے کی جگہ جیکٹوں اور چادروں کے اسٹال لگ گئے اور سردی سےبچنےکیلئےکارکنان نےچادریں اورجیکٹیں پہن لیں
جبکہ جمیعت علماء اسلام ف کی جانب سے کارکنان کیلئے ناشتے کا انتظام کیا گیا۔

یاد رہے گذشتہ روز وزیر اعظم عمران خان نے انسانی جذبے کا اعلیٰ مظاہرہ کرتے ہوئے اسلام آباد میں سردی اور بارش کے باعث پریشان دھرنے کے شرکا کی فوری مدد کا حکم جاری کیا تھا۔

وزیر اعظم نے چیئرمین سی ڈی اے کو فوری طور پر دھرنے کے مقام پر جانے کی ہدایت کرتے ہوئے کہا تھا کہ بارش کے پیش نظر سہولتوں کا جائزہ لیں کہ دھرنے کے شرکا کو کیا سہولتیں فراہم کی جا سکتی ہیں۔

بعد ازاں جے یو آئی (ف)نے وزیراعظم عمران خان کی جانب سے آزادی مارچ کے شرکا کے لیے سہولتوں کی پیشکش مسترد کردی تھی ، عبدالغفور حیدری نے کہا تھا کہ وزیراعظم اپنے تعاون کو اپنی جیب میں رکھیں ہم نے انتظام کیا ہوا ہے ، ہمارے جیالے اپنا انتظام کرکے آئے ہیں ، بارش اللہ کی رحمت ہے،حکمران زحمت ہیں۔

Advertisement