حارث بن کلدہ عرب کا ایک معروف حکیم حاذق گزرا ہے وہ کہا کرتا تھا کہ جو شخص پرمسرت زندگی کا خواہش مند ہو اسے چاہیے کہ صبح سویرے جاگے۔ قرض سے بچے۔ غصے کی حالت میں کھانا نہ کھائے۔ ایک غذا کے ہضم ہونے سے پہلے دوسری غذا کا استعمال نہ کرے۔ صحت کی حالت میں دوا کو چھوئے تک نہیں اور بیماری کی علامات نمودار ہوں تو اس کے جڑ پکڑنے سےپہلے دوا کرلو۔پانی کے بارے میں اس نے کہا کہ پانی جسم کیلئے لازم و ملزوم ہے لیکن اسے اعتدال سے استعمال کرنا چاہیے اورپانی صاف و شفاف پینا چاہیے۔ (ڈ،ن‘ ملتان) عبقری میگزین اگست 2016،صفحہ 40

ڈاڑھی کے پانی سے جوڑوں کا درد ختم محترم حضرت حکیم صاحب دامت برکاتہم السلام علیکم! یہ میرا ذاتی مشاہدہ ہے کہ ڈاڑھی کے پانی سے رب تعالیٰ شفاء عطا کرتا ہے۔ حضرت حکیم صاحب میں یہ مشاہدہ کافی سالوں سے کررہا ہوں اللہ نے مجھے ہر قسم کے جوڑوں کے درد سے محفوظ رکھا ہواہے‘ بھلا وہ کیسے۔۔۔؟؟؟ حضرت حکیم صاحب میں نے مشاہدہ کیا ہے کہ جب ہم نماز یا کسی اور کام کیلئے وضو کرتے ہیں تو وضو کے تقریباً چار پانچ منٹ بعد تک وضو کا پانی ڈاڑھی اور چہرے وغیرہ پر ٹکا رہتا ہے اس کو اگر جوڑوں کے درد والی جگہ پر مالش کے انداز میں مل لیں تو شفاء کلی نصیب ہوتی ہے۔ ایک اور بات جن حضرات کی ڈاڑھی نہیں ہے وہ ڈاڑھی رکھیں اور پھر اس ٹوٹکے کاکمال دیکھیں۔ خواتین کی خدمت میں بھی عرض ہے کہ ان کے چہرے پر جو وضو کا پانی بچ جاتا ہے وہ اپنی مطلوبہ درد والی جگہ پر ملیں ان شاء اللہ ان کو ہر قسم کی تکلیف سے نجات ملے گی۔محترم حضرت حکیم صاحب! یہ تجربہ میں نے کہیں سے پڑھا نہیں کسی سے سنا نہیں بس میرا اپنا مشاہدہ اور تجربہ ہے۔ یہ مفت کی دوائی اور مفت کا علاج ہے۔ ہمارے گھر میں آج تک کسی کو جوڑوں کی تکلیف نہیں ہوئی صرف اسی ٹوٹکے کی وجہ سے۔۔۔ قارئین! آپ بھی آزمائیں اور دوسروں کو بھی بتائیں ۔(ع،ا،ساہیوال) عبقری میگزین فروری2013،صفحہ35 بے شمار لوگوں نے آزمایا،آپ بھی آزمائیں اور پھر فائدے ضرور لکھیں تاکہ آپ کیلئے صدقہ جاریہ بنے۔contact@ubqari.org