Home Wazaif and Dua Ghusl Karne Ki Niyyat or Dua

Ghusl Karne Ki Niyyat or Dua

Ghusl Karne Ki Niyyat or Dua

Ghusl Karne Ki Niyyat or Dua

Ghusl humare rozana ka mamool hai par ghusl ka sunnat tareeqa kya hai? Ghusl ke farz kitne hain? Ghusl ke mustahab kya hain?

Hum is bare mein tafseel se janenge aur Insha ALLAH ghusl karne ke do (2) tareeqe janenge. Zarur dekhiye→ Bazar Me Jane Ki Dua

Har balig musalman jab napaak ho jaye to uspe ghusl farz ho jata hai. Agar wo shakhs ghusl na kare to gunahgar hoga.

Humare Nabi-e-Kareem Mu’hammad ﷺ ne farmaya:

“Ghusl imaan ka adha hissa hai.”

[Sahih Muslim]

ALLAH Ta’ala ne Qur’an-e-kareem mein irshad farmaya hai:

اِنَّ اللّٰهَ يُحِبُّ التَّوَّابِيۡنَ وَيُحِبُّ الۡمُتَطَهِّرِيۡنَ‏

InnALLAHa Yu’hibbut-Tawwabeena Wa Yu’hibbul Muta-tahhareena

“ALLAH tauba karne walo aur paak rehne walo ko pasand farmata hai.”

Ghusl Karna Kab Farz Ho Jata Hai?

  1. Ehtalam hone pe;
  2. Humbistari ke baad;
  3. Aurat ko jab haiz aaye;
  4. Nifaas hone ke bad;
  5. Kisi wajah se napaak ho jane ke wajah se.

Tafseel

  1. Ehtalam, yani jab sote huye mani nikal jaye, to aise mard aurat dono pe ghusl karna wajib hai.
  2. Shohar aur biwi ke beech jo jismani taluqqat qayem ho, is halat ko humbistari kehte hain. Aur humbistari ke bad ghusl karna wajib ho jata hai.
  3. Aurat ko har mahine jo khoon ata hai use haiz/mahwari kehte hain. Ye kam se kam teen (3) aur zyada se zyada das (10) ek aurat ko aata hai.

Kuchh auratein aisa manti hain ke agar haiz teen (3) din mein khatm ho jaye phir bhi aurat saatwein (7) din naha kar paak hogi, ye ghalat khayalat hain.

Ghusl Ke Farz Kitne Hain?

Ghusl ke teen (3) farz hain. Aur agar inko ada na kiya jaye to paaki hasil nahi hogi.

  1. Kulla Karna

Teen (3) martaba kulla ya garara achhe tareeqe se kiya jaye taaki pani halak tak pahunch jaye.

  1. Naak Mein Pani Dalna

Naak mein bhi teen (3) martaba pani dalkar achhe se naak saaf karna.

  1. Poore badan par paani bahana

Yani ke ghusl ke dauran insan achhe se pani dale badan par, ke jism ka ek (1) kona bhi na chhote, kyon ki agar ek (1) baal barabar jagah bhi chhoot gayi to paaki hasil nahi hogi.

Ghusl Ki Sunnatein Kya Hai?

  1. Dono hath gatto (kalayi) tak dhona;
  2. Poore badan par teen (3) bar pani dalna;
  3. Aur dahini janib se shuru karte huye ghusl karna.

Ghusl Ke Mustahab Kya Hain?

  1. Ghusl ke dauran baatein na karna;
  2. Qibla ke tarf rukh karke ghusl na karna;
  3. Ghusl ke dauran kisi dua ka zikr wagairah na karna.